洗碗作為名列前茅最令煩擾嘅家務，相信唔少人都感同身受！食飽一定係想攤抖下，每次一諗到要洗一堆油淋淋嘅碗碟，單單講起就已經覺得攰！呢個時候洗碗機就可以幫你解決呢一系列問題！今日我會同大家介紹嘅就係由FOTILE 方太推出咗 SD2F-P6水糟洗碗機，呢部水糟洗碗機仲係方太品牌全球首創嘅產品。

FOTILE 方太 P6水糟洗碗機

 

首先，等我哋嚟睇下FOTILE 方太 P6水糟洗碗機嘅規格先，佢高550mm 闊985mm 深505mm，佢除咗可以做水糟、洗碗機之外，仲係蔬果海鮮清洗機，一位三用，提高咗空間利用率，非常啱房屋面積較細嘅香港。

 

佢可以容納大約5套標準餐具，窩居小家庭嚟講都非常夠用。

 

佢嘅洗碗機內腔同水槽部分都係使用不銹鋼物料，耐用得嚟又容易清潔。

 

 

FOTILE 方太 P6水糟洗碗機對水槽位進行咗優化設計，通過凹形設計外加收納籃，增加咗大約10％嘅收納空間，放洗潔精、清潔用品就非常方便。

 

佢採用嘅特色技術－高能氣泡洗3.0，最大嘅特點就喺噴臂上面增加咗2個自轉盤，當進行清洗嘅時候，可以自由轉動。



 

而佢內置水氣混動核芯，令噴臂水壓足足提升到5萬pa，全方位360度無死角，即使係形狀大小唔同嘅餐具，佢都可以輕鬆搞掂！






 

用家亦都唔洗擔心食物殘渣會塞住去水位，佢採用咗開放式系統結構，可以令殘渣排得非常徹底！

 

佢仲設有一鍵超快速洗滌，可以實現15分鐘快速清潔， 慳返唔少時間架。

 

另外，FOTILE 方太 P6水糟洗碗機內置獨立高效速熱盤，可以製造100℃高溫蒸氣，除菌率超過99.99％，有效殺滅幽門螺旋桿菌、埃希氏大腸桿菌同埋金黃葡萄球菌，令用家每一餐都可以使用到最潔淨嘅餐具。

 

儲存方面，洗碗機內置智慧濕度感測器，可以自動感應環境濕度嘅變化，配合熱風烘乾功能，就可以做到96小時長時間儲存。

除咗上述嘅洗碗功能，佢仲可以清洗海鮮同蔬果。